CNN தலைப்புச்செய்தி

InfortainTment

1997 இல் வேறொரு சந்தர்ப்பத்திலே எழுதியது இன்றைக்கு

CNN தலைப்புச்செய்தி


சங்கதி தெரியுமெண்டோ?
சி என் என் இலை தலைப்புச்செய்தியெல்லோ?
நயோமி சம்பொல் எல்லோ குளிசை குடிச்சிட்டாள்.
என்ன! பெடிச்சி ஆரெண்டோ?
பேய்க்கேள்வி உதுவெல்லே?
பசியால விலாவொட்டிக் கொங்கை வற்றி, பரலோகம் போய்ச்சேர்ந்த
பாரீசவாதக் கொங்கோ கிழவி போலை, பார்வைக்கு எண்டாலும்
கறுத்தஇளங்குமரியின்ரை,
ஒடிச்சு வத்தப் போட்ட ஒடியலுடம்புக்கு
ஒண்டுமண்டெடியோ, பரிஸில,
ஓரங்கிழிஞ்ச உடுப்புப்போட்டு
நடத்திப் பாக்க உள்ள கூட்டம்.
சரி, உதைவிடு, உடுத்துப்போன பழங்கதை.
இப்ப கேளன்,
விறுவிறுத்த விசவிசயம் என்னவெண்டு.
பெடிச்சிக்கும்,
பிளெமிங்கோ ஆடுற ஒரு ஸ்பனிசுப்பொடியுக்கும்
கோதாரியிலபோன 'கோஹபிற்றிங்' சிறுதொடுப்பாம்.
பொடி, அலுக்க, பின்னால,
புதுப்பெட்டை பாத்தானெண்டு,
உவள் விசரி,
ஊத்தியிட்டாளாம் விசத்தை
உள்வாய்க்கை அண்ணாந்து.
ஆள் அருந்தப்பாம்.
ஆனாப்பார்,
அந்தரங்க அசிங்கமெல்லோ,
ஆஸ்பத்திரிக்குள்ளாலை
அம்பலத்திலை ஆடுதிப்ப.
சி என் என் ரீவி பெப்பராஸிக்காரன்,
மூளை வலுத்த, ஆளெல்லே பாருங்கோ.
என்ன இருந்தாலும்,
வெள்ளைக்காரனோ, சும்மாவோ?
கன காசைக் குடுத்தெல்லே
கறந்து போட்டான் விசயத்தை.
உது காட்டின பின்னாலை,
தாண்டிக்
கடுகுலகச்செய்தியிலை, காத்திருந்த
தாண்டிக்குளம் பாப்பமெண்டால்.
காணயில்லை அங்கையண்டும்.
முடிஞ்சுபோனசனம், ஆக
முன்னூத்துமுப்பதெல்லே?
மூவாயிரம் முடியேக்கில
கடுச்செய்தியிலை
கட்டாயம் காட்டுவான் பார்,
அமெரிக்க ஜனாதிபதி
ஆழ்ந்த அனுதாபம்
காம்டேவிட்டில கொல்ப்
திரும்ப மற்றக்காலுடைக்க
தீவிரமாய் விளையாடி
வேதனை தாளாமல்
அரைப்பக்கம்,
அறிவிச்சாரெண்டு.

- In late 97, when 'Super Model' Naomi Champel was treated for drug overdose after quarrelling with her Felmingo dancer boyfriend; And, this news was leaked through the hospital autorities to CNN.

* to be fair, I have just watched NECN channel. It presented an eight min. news piece that included an interview from a boston living Sri Lankan, Oxfam & Red Cross numbers, Oxfam representative's interview and western tourist sufferings. Yet, nothing on north-east ilangkai or tamilnadu.